MAFELO A BOLOTADINGWALWA
Karolo ya 6 ya Molao e fa lenaneo la tše di latelago:
Bokgobapuku bja Setšhaba bja Bloemfontein
Bokgobapuku bja Palamente, Motse Kapa
DINTLHA KA BOTLALO TŠA KGOKAGANO
Hlogo
Karolo ya Bolotadingwalwa
MOGALA: +27 12 343 9767
FEKESE: +27 12 344 5143
Kgoro ya Bokgabo le Setšo
BOLOTADINGWALWA BJA DIKGATIŠO
KGOPOLO YE E AMOGETŠWEGO LEFASENG KA BOPHARA
NA BOLOTADINGWALWA KE ENG?
Bolotadingwalwa ke tshwanelo ya semolao ya gore mogatiši (motšweletši) wa Afrika-Borwa wa mohuta ofe le ofe wa ditokumente/dingwalwa, go akaretšwa dikgatišo tša tsebeihlo, o swanetše go beeletša palo ye e itšego ya dikhopi ya kgatišo ye nngwe le ye nngwe ya bona go mafelo ao a kgethilwego a bolotadingwalwa. Ke setlwaedi sa ditšhabatšhaba go mmušo gore o laele batšweletši ba mehuta ka moka, ya ditokumente tše di gatišitšwego gore ba di hlagiše. Lebakeng lekhwi dinaga lefaseng ka bophara di a lekodišiša le go fetola melao ya bolotadingwalwa gore go tle go akaretšwe bohlokwa bjo bo golago bja media wa tsebeihlo le elektroniki.
MORERO
Morero wa bolotadingwalwa ke go kgoboketša, go lota, le go dira khwetšagalo go badiriši ba bjale le ba ka moso ya ditokumente tšeo di nago le bohwa bja bohlale le setšo bja naga.
Bolotadingwalwa ka Afrika-Borwa bo thomile ka 1842 ge Molao wa Brithane wa Tokelo ya Ngwalollo o dirwa gore o šome ka go Dinaga ka moka tša Mmušo wa Maisimane.
Molao o ile wa hlabollwa go ya pele ka Molao wa Tokelo ya Ngwalollo wa 1965 le Molao wa Bolotadingwalwa ka 1982. Molao wa bjale wa Bolotadingwalwa (Molao wa 54 wa 1997) o phatlaladitšwe ka la 1 Julae 1998. Molao wokhwi o beakanyetša peeletšo ya dipuku, dikgatišobaka le ditokumente tše dingwe tše di nago le tshedimošo bjalo ka difilimi, divideo, di-CD tša mmino le di-DVD tše di gatišitšwego goba di tšweleditšwego ka Afrika-Borwa; gammogo le tše di tšweleditšwego ka ntle ka nepo ya go di phatlalatša ka Afrika-Borwa. Molao wokhwi o beakanyetša tlhako ya semolao ya palo ya dikhopi tše di swanetšego go beeletšwa; sebopego sa tšona le boleng, tshedimošo ye e nyakegago go tšwa go bagatiši le batšweletši, ge dikhopi di beeletšwa le kgato ye e swanetšego go tšewa kgahlanong le bagatiši le batšweletši bao ba sa sekegelego sekhwi.
NA TOKUMENTE KE ENG?
Tokumente" ke selo seo nepo ya sona e lego go boloka goba go fetiša tshedimošo ka tsela ya sengwalwa, kerafiki, ponagalo, modumo goba sebopego se sengwe le se sengwe seo se kwešišegago ka tirišo ya mediamo ofe le ofe..
KE DITOKUMENTE DIFE TŠE DI LOTWAGO?
Ke ditokumente tšeo di tšweletšwago gore di hwetšagale setšhabeng ka kakaretšo. Sekhwi se akaretša tokumente efe le efe yeo:
e nepišitšwego go phatlalaletšwa go batho ba Afrika-Borwa e bolokago goba e sepedišago tshedimošo ka sebopego sa sengwalwa, sebonwa, sekwewa, elektroniki goba ka sebopego sefe le sefe e lego kgatišo ye e sekamolotšwego goba kgatišo ya tokumente yeo e tlogago e fapana le kgatišo ya pejana goba malebana le dikagare tša tshedimošo goba tlhagišo ya sebopego.
e gatišitšwego ka Afrika-Borwa goba e beakanyeditšwego batho ba Afrika-Borwa.
DIKHOLO TŠA BOLOTADINGWALWA
Go lotwa ga bohwa bja dingwalwa go nolofatša phihlelelo ya baagi go didirišwa ka moka tše di gatišitšwego tša go hlolega ka gare ga naga. Ka fao bolotadingwalwa ke ye nngwe ya dikokwane tša tokologo ya tshedimošo.
Bo kgontšha naga ya rena go phethagatša ditshwanelo tša motheo tša boitshwaro go mantho ka bophara. Tšona ke:
Go rekhota se sengwe le se sengwe seo naga e se tšweleditšego (ka go sekegela UNESCO/ Federeišene ya Ditšhabatšhaba ya Makgotla a Makgobapuku le Dihlongwa le Lenaneo la Yunibesale la Taolo ya Dibibiliokerafi )
Go kgonthiša gore bonnyane bja khopi e tee ya tokumente ye e gatišitšwego e bolokilwe gomme e hwetšagala go ka dirišwa ke dirutegi go tšwa lefaseng ka bophara.
Bolotadingwalwa bo na le dikholo tše di kgethegilego go bahlodi le go bagatiši goba batšweletši:
E kgonthiša gore modiro wa mohlodi ga o lobje ke moloko wa ka moso le gore o a hwetšagala go ka dirišetšwa diphatišišo tša ka moso e na le kgonagalo ya gore badiriši ka moka ba mafelo a bolotadingwalwa ba lemoge seo se šetšego se gatišitšwe goba se tšweleditšwe e bopa motheo wa go hlongwa ga dibibliokerafi tša setšhaba le ye mengwe ya methopo ya difiwa yeo e lemošago badiriši ba ka moso setšhabeng ka bophara le ditšhabatšhabeng go ba gona ga dipuku le ditokumente tše dingwe, mme ka go realo ya hlatloša phatlalatšo le ditheko tša bona e bopa motheo wa kgoboketšo ya dipalopalo tša tšweletšo ya dipuku ya ditšhabatšhaba ya UNESCO yeo e lego mothopo wo bohlokwa wa tshedimošo ya kgwebo go papatšo ya dipuku, gape e ka hlabologa ka tsela yeo le go media ye mengwe.
